സംസ്ഥാന ഭിന്നശേഷി അവാർഡ് 2026: നാമനിർദേശങ്ങൾ ക്ഷണിക്കുന്നു (അവസാന തീയതി: 25.10.2026)
കേരള സർക്കാർ, സാമൂഹ്യനീതി വകുപ്പ് | വിജ്ഞാപനം നം. SJD/1902/2026-PC3, തീയതി 06-10-2026
ഭിന്നശേഷി മേഖലയിൽ മികച്ച പ്രവർത്തനങ്ങൾ കാഴ്ചവയ്ക്കുന്ന വ്യക്തികൾ/സ്ഥാപനങ്ങൾ എന്നിവയ്ക്ക് സാമൂഹ്യനീതി വകുപ്പ് ഏർപ്പെടുത്തിയിട്ടുള്ള സംസ്ഥാന ഭിന്നശേഷി അവാർഡ് 2026-നുള്ള നാമനിർദേശങ്ങൾ ക്ഷണിക്കുന്നു. ക്യാഷ് അവാർഡും മൊമെന്റോയും സർട്ടിഫിക്കറ്റും ചേർന്നതാണ് അവാർഡ്. സ.ഉ.(സാധാ) നം. 216/2026/സാ.നീ.വ തീയതി 08-09-2026 സർക്കാർ ഉത്തരവ് പ്രകാരം 16 വിഭാഗങ്ങളിലായി 30 അവാർഡുകൾ നൽകും.
ജില്ലാ സാമൂഹ്യനീതി ഓഫീസുകളിൽ നാമനിർദേശം ലഭിക്കേണ്ട അവസാന തീയതി: 2026 ഒക്ടോബർ 25
ജില്ലാതല കമ്മിറ്റികളുടെ ശുപാർശയോടെ നാമനിർദേശങ്ങൾ സാമൂഹ്യനീതി ഡയറക്ടർക്ക് ലഭിക്കേണ്ട അവസാന തീയതി: 2026 നവംബർ 5
അവാർഡ് വിഭാഗങ്ങൾ
| ക്രമ നം. | വിഭാഗം | അവാർഡുകൾ | ക്യാഷ് അവാർഡ് | സമർപ്പിക്കേണ്ടത് |
|---|---|---|---|---|
| 1 | ഭിന്നശേഷി വിഭാഗത്തിൽപ്പെട്ട മികച്ച ജീവനക്കാരൻ (ഗവ./പബ്ലിക് സെക്ടർ) | 5 | ₹25,000 | ജില്ലാ സാമൂഹ്യനീതി ഓഫീസ്, ഓഫീസ് മേധാവി മുഖേന |
| 2 | ഭിന്നശേഷി വിഭാഗത്തിൽപ്പെട്ട മികച്ച ജീവനക്കാരൻ (പ്രൈവറ്റ് സെക്ടർ) | 5 | ₹25,000 | ജില്ലാ സാമൂഹ്യനീതി ഓഫീസ്, ഓഫീസ് മേധാവി മുഖേന |
| 3 | സ്വകാര്യ മേഖലയിൽ ഏറ്റവും കൂടുതൽ ഭിന്നശേഷിക്കാർക്ക് തൊഴിൽ ലഭ്യമാക്കിയ തൊഴിൽ ദായകർ | 1 | ₹25,000 | ജില്ലാ സാമൂഹ്യനീതി ഓഫീസ് |
| 4 | ഭിന്നശേഷി മേഖലയിൽ പ്രവർത്തിക്കുന്ന മികച്ച എൻ.ജി.ഒ സ്ഥാപനങ്ങൾ/മികച്ച പുനരധിവാസ കേന്ദ്രം | 2 | ₹25,000 | ജില്ലാ സാമൂഹ്യനീതി ഓഫീസ് |
| 5 | മികച്ച മാതൃകാ വ്യക്തി (ഭിന്നശേഷിയുള്ള വ്യക്തി) | 2 | ₹25,000 | ജില്ലാ സാമൂഹ്യനീതി ഓഫീസ് |
| 6 | മികച്ച സർഗാത്മക കഴിവുള്ള കുട്ടി (ഭിന്നശേഷി വിഭാഗം, 18 വയസ്സിന് താഴെ) | 2 | ₹25,000 | ജില്ലാ സാമൂഹ്യനീതി ഓഫീസ് |
| 7 | കല/സാഹിത്യം/കായിക മേഖലയിൽ മികച്ച നേട്ടങ്ങൾ കൈവരിച്ച വ്യക്തികൾ (ഭിന്നശേഷി വിഭാഗം) | 3 | ₹25,000 | ജില്ലാ സാമൂഹ്യനീതി ഓഫീസ് |
| 8 | ഭിന്നശേഷി സൗഹൃദ സ്ഥാപനം (ഭൗതിക സൗകര്യങ്ങൾ/ഭിന്നശേഷി സൗഹൃദ വെബ്‌സൈറ്റ്; സർക്കാർ/സ്വകാര്യ) | 2 | ₹25,000 | ജില്ലാ സാമൂഹ്യനീതി ഓഫീസ് |
| 9 | ഭിന്നശേഷി സൗഹൃദ റിക്രിയേഷൻ സെന്ററുകൾ (സ്കൂൾ/ഓഫീസ്/തദ്ദേശ സ്വയംഭരണ സ്ഥാപനങ്ങൾ, വിദ്യാഭ്യാസ സ്ഥാപനങ്ങൾ മുതലായവ) | 1 | ₹25,000 | ജില്ലാ സാമൂഹ്യനീതി ഓഫീസ് |
| 10 | ഭിന്നശേഷിക്കാരെ സഹായിക്കുന്നതിനും പുനരധിവാസ പ്രവർത്തനങ്ങൾ നടത്തുന്നതിനും പ്രവർത്തിച്ചിട്ടുള്ള വിദ്യാഭ്യാസ സ്ഥാപനങ്ങൾ | 1 | ₹25,000 | ജില്ലാ സാമൂഹ്യനീതി ഓഫീസ്, ജില്ലാ സാമൂഹ്യനീതി ഓഫീസർ മുഖേന |
| 11 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച ജില്ലാ പഞ്ചായത്ത് | 1 | ₹1,00,000 | സാമൂഹ്യനീതി ഡയറക്ടർക്ക് നേരിട്ട്. തദ്ദേശ സ്വയംഭരണ വകുപ്പിന്റെ ജില്ലാതല/മേഖല/സംസ്ഥാനതല കൺട്രോളിംഗ് ഓഫീസറുടെ ശുപാർശ വേണം. |
| 12 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച ജില്ലാ ഭരണകൂടം | 1 | ₹1,00,000 | സാമൂഹ്യനീതി ഡയറക്ടർക്ക് നേരിട്ട്. തദ്ദേശ സ്വയംഭരണ വകുപ്പിന്റെ ജില്ലാതല/മേഖല/സംസ്ഥാനതല കൺട്രോളിംഗ് ഓഫീസറുടെ ശുപാർശ വേണം. |
| 13 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച കോർപ്പറേഷൻ | 1 | ₹50,000 | സാമൂഹ്യനീതി ഡയറക്ടർക്ക് നേരിട്ട്. തദ്ദേശ സ്വയംഭരണ വകുപ്പിന്റെ ജില്ലാതല/മേഖല/സംസ്ഥാനതല കൺട്രോളിംഗ് ഓഫീസറുടെ ശുപാർശ വേണം. |
| 14 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച മുനിസിപ്പാലിറ്റി | 1 | ₹50,000 | ജില്ലാ സാമൂഹ്യനീതി ഓഫീസ്. തദ്ദേശ സ്വയംഭരണ വകുപ്പിന്റെ കൺട്രോളിംഗ് ഓഫീസറുടെ ശുപാർശ വേണം. |
| 15 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച ബ്ലോക്ക് പഞ്ചായത്ത് | 1 | ₹50,000 | ജില്ലാ സാമൂഹ്യനീതി ഓഫീസ്. തദ്ദേശ സ്വയംഭരണ വകുപ്പിന്റെ കൺട്രോളിംഗ് ഓഫീസറുടെ ശുപാർശ വേണം. |
| 16 | ഭിന്നശേഷി മേഖലയിൽ മികച്ച പ്രകടനം കാഴ്ചവെച്ച ഗ്രാമപഞ്ചായത്ത് | 1 | ₹50,000 | ജില്ലാ സാമൂഹ്യനീതി ഓഫീസ്. തദ്ദേശ സ്വയംഭരണ വകുപ്പിന്റെ കൺട്രോളിംഗ് ഓഫീസറുടെ ശുപാർശ വേണം. |
1, 2 വിഭാഗങ്ങളിൽ അഞ്ച് വീതം അവാർഡുകൾ ഉണ്ട്: കാഴ്ച പരിമിതി, ശ്രവണ പരിമിതി, ചലന/പേശി സംബന്ധമായ വൈകല്യം, ബൗദ്ധിക വൈകല്യം, ഒന്നിലധികം വൈകല്യങ്ങൾ എന്നിവയ്ക്ക് ഓരോന്ന്. ഓരോ വിഭാഗത്തിന്റെയും മാനദണ്ഡങ്ങൾ താഴെയുള്ള മാർഗനിർദേശങ്ങളിൽ വിശദമായി നൽകിയിട്ടുണ്ട്.
ആർക്ക് നാമനിർദേശം ചെയ്യാം
- ഭിന്നശേഷി അവാർഡിനായി വ്യക്തികൾ/സ്ഥാപനങ്ങൾ നേരിട്ട് നാമനിർദേശം നൽകാൻ പാടില്ല. അങ്ങനെ ലഭിക്കുന്ന നോമിനേഷനുകൾ സ്വീകരിക്കില്ല.
- ബന്ധപ്പെട്ട മേഖലയുമായി ബന്ധമുള്ളവർക്ക് അർഹരായ വ്യക്തികളെ/സ്ഥാപനങ്ങളെ നാമനിർദേശം ചെയ്യാം. ഒരു നാമനിർദേശകന് ഓരോ വിഭാഗത്തിലും ഒന്ന് മാത്രമേ നാമനിർദേശം ചെയ്യാൻ പാടുള്ളൂ.
- നാമനിർദേശം ചെയ്യപ്പെടുന്ന വ്യക്തി/സ്ഥാപനം വ്യക്തിപരമായ ശുപാർശ നൽകിയിട്ടില്ലെന്നും നാമനിർദേശകന്റെ ബന്ധുവല്ലെന്നുമുള്ള സത്യപ്രസ്താവന നാമനിർദേശകൻ സമർപ്പിക്കണം.
- കഴിഞ്ഞ 3 വർഷങ്ങളിൽ അവാർഡിന് അർഹരായ വ്യക്തികൾ/സ്ഥാപനങ്ങൾ വീണ്ടും നാമനിർദേശം ചെയ്യപ്പെടാൻ പാടില്ല.
- 1, 2, 6, 7 വിഭാഗങ്ങളിൽ 40% അല്ലെങ്കിൽ അതിൽ കൂടുതൽ ഭിന്നശേഷിയുള്ളവരാകണം. മെഡിക്കൽ ബോർഡ് സർട്ടിഫിക്കറ്റ് ആവശ്യമാണ്.
എന്തെല്ലാം സമർപ്പിക്കണം
- നാമനിർദേശ ഫോം, ആവശ്യമായ ശുപാർശകൾ സഹിതം നിർദിഷ്ട മാതൃകയിൽ തയ്യാറാക്കിയ പ്രൊഫോർമ.
- വിശദമായ ഡോക്യുമെന്റേഷൻ: അവാർഡിന് പരിഗണിക്കേണ്ട വിവരങ്ങൾ, ഫോട്ടോ, മറ്റു പ്രസക്തമായ രേഖകളുടെ പകർപ്പുകൾ (മറ്റ് അംഗീകാരങ്ങൾ, പത്ര റിപ്പോർട്ട് മുതലായവ).
- തദ്ദേശ സ്വയംഭരണ സ്ഥാപനങ്ങൾ നാമനിർദേശത്തോടൊപ്പം തദ്ദേശ സ്വയംഭരണ വകുപ്പിന്റെ ജില്ലാ/മേഖല/സംസ്ഥാന മേധാവിയുടെ ശുപാർശ ഹാജരാക്കണം.
നാമനിർദേശങ്ങൾ തപാൽ മുഖേന സാമൂഹ്യനീതി ഡയറക്ടറുടെ കാര്യാലയത്തിൽ ലഭിക്കണം.
മെയിൽ മുഖേനയുള്ളതും, അനുബന്ധ രേഖകൾ ഇല്ലാത്തതും, മാനദണ്ഡങ്ങൾ പാലിക്കാത്തതും, സമയപരിധിക്കുള്ളിൽ ലഭിക്കാത്തതുമായ നോമിനേഷനുകൾ പരിഗണിക്കില്ല.
സാമൂഹ്യനീതി ഡയറക്ടർ
സാമൂഹ്യനീതി ഡയറക്ടറേറ്റ്, വികാസ് ഭവൻ, തിരുവനന്തപുരം
ഫോൺ: 0471 2306040
രേഖകൾ ഡൗൺലോഡ് ചെയ്യാം
വിജ്ഞാപനം (PDF, 123 KB)മാർഗനിർദേശങ്ങളും മാനദണ്ഡങ്ങളും (PDF, 179 KB)നാമനിർദേശ ഫോം (PDF, 25 KB) 6 വിഭാഗങ്ങളുടെയും പ്രൊഫോർമ (Word, 79 KB)
വിജ്ഞാപനവും നാമനിർദേശ ഫോമും മലയാളത്തിലാണ്. മാർഗനിർദേശങ്ങളും പ്രൊഫോർമകളും പ്രധാനമായും ഇംഗ്ലീഷിലാണ്. സാമൂഹ്യനീതി ഡയറക്ടറുടെ 15-10-2026-ലെ SJD/3759/2026-PC3 നമ്പർ കത്തിലെ അഭ്യർഥന പ്രകാരം NISH വെബ്‌സൈറ്റിൽ പ്രസിദ്ധീകരിക്കുന്നത്.
Redressal
ദളിത് വിദ്യാർത്ഥികളോടുള്ള വിവേചനത്തിനെതിരെ
പരാതിപ്പെടുന്നതിന് മുകളിൽ ക്ലിക് ചെയ്യുക.
Connect with us
- വിലാസം: നാഷണല്‍ ഇന്‍സ്റ്റിറ്റിയൂട്ട്‌ ഓഫ് സ്‌പീച്ച്‌ ആന്റ് ഹിയറിങ്ങ്‌, നിഷ്‌റോഡ്‌, ശ്രീകാര്യം പി.ഒ,
തിരുവനന്തപുരം 695 017 - സൈറ്റ്‌: www.nish.ac.in
- ഇ-മെയില്‍: nishinfo@nish.ac.in
- ഫോണ്‍: +91-471- 2944666, 2596919
- Fax: +91-471- 2944699