ഇടപാടുകാർക്ക്, വിശേഷിച്ചും വിദ്യാർത്ഥികൾക്ക് മികച്ച സേവനങ്ങളും അവസരങ്ങളും ലഭ്യമാക്കുന്നതിൽ നിഷ് പ്രതിജ്ഞാബദ്ധമാണ്. സൗഹാർദ്ദപരമായ പഠനാന്തരീക്ഷവും വിദ്യാർത്ഥികളുടെ അവകാശങ്ങൾ ഒരു വിധത്തിലും ചൂഷണം ചെയ്യപ്പെടാത്ത സാഹചര്യവും പരാതികൾ കൃത്യമായി പരിഹരിക്കുന്നതിനുള്ള സംവിധാനവും ഉറപ്പാക്കുന്നതിനായി നിഷ് വിദ്യാർത്ഥികളുടെ പരാതി പരിഹാര സെൽ ( NISH - SGRC ) രൂപവത്കരിച്ചിട്ടുണ്ട്. ഏതെങ്കിലും തരത്തിലുള്ള പരാതിയുള്ള വിദ്യാർത്ഥികൾക്ക് ഈ സെല്ലിൽ അറിയിക്കാവുന്നതാണ്. പരാതി NISH - SGRC യിലെ ഏതെങ്കിലും അംഗത്തിന് ഇ മെയിൽ ചെയ്താലും മതിയാകും. അല്ലാത്ത പക്ഷം അംഗങ്ങളിൽ ആരെയെങ്കിലും നേരിൽകണ്ട് എഴുതി തയ്യാറാക്കിയ പരാതി കൈമാറുകയുമാകാം. പരാതി ലഭിച്ചു ഏഴു ദിവസത്തിനകം അത് പരിഹരിക്കുന്നതായിരിക്കും.